Кения

Кения Җөмһүрияте
Байрак	Илтамга
	Кения милли гимны
Бәйсезлек көне	1963 елның 12 декабре
Рәсми телләр	суахили, инглиз
Башкала	Найроби
Идарә итү формасы	Президент республикасы
Президент ; Премьер-министр	Мваи Кибаки ; Раила Одинга
Мәйдан; • Барлыгы	; 582 650 км²
Халык саны; • Бәя ; • Халык тыгызлыгы	; ▼47 564 296 кеше (2019); ;
КПҮИ	0,575
Акча берәмлеге	Кения шиллингы
Интернет-домен	.ke
ISO коды	KE
ХОК коды	KEN
Телефон коды	+254
Сәгать кушаклары	UTC+03:00 һәм Africa/Nairobi[d]

Ке́ния (суах. һәм ингл. Kenya), рәсми атамасы — Ке́ния Җөмһүрияте́ (суах. Jamhuri ya Kenya, ингл. Republic of Kenya) — Көнчыгыш Африкада урнашкан дәүләт. Күрше дәүләтләр арасында иң тиз үсешле булып санала. Башкаласы — Найроби шәһәре.

Дәүләт мәйданы — 582 650 км². Ул төньякта — Хәбәшстан, көнчыгышта — Сомали, көньяк-көнбатышта — Танзания, көнбатышта — Уганда, төньяк-көнбатышта Көньяк Судан илләре белән чиктәш. Гомуми дәүләт чикләренең озынлыгы 3477 км тәшкил итә. Көньяк-көнчыгышта Һинд океаны сулары белән юыла, илнең көнбатышында Виктория күле урнашкан. Илнең уртасында экватор уза.

Демография

Халык саны — 38 млн кеше. Уртача гомер озынлыгы — 58,8 ел. Этник составка килгәндә, халыкның 22 %-ы — кикуйю, 14 %-ы — лухья, 13 %-ы — луо, 12 %-ы — каленҗин, 11 %-ы камба халыклары тәшкил итә. Халыкның 22 %-ы шәһәрләрдә яши.

Рәсми телләр

Рәсми телләр булып суахили һәм инглиз теле санала, шулай ук җирле телләр дә таралган.

Дин

Дини яктан күпчелек христианнар: 45 % — протестантлар, 33 % — католиклар,

10-11 % — мөселманнар (80 % сөнниләр, 7 % шигыйлар, шулай ук әхмәдияләр, суфичылык вәкилләре һ. б. агымнар).
2010 елда Кениядә Африка җирле ышануларының 3,6 млн тарафдары яшәгән, алар халыкның 8,9 % ын тәшкил иткән.
Бәһаи дине тарафдарларының саны 429 мең булган.
2010 елда барлык Һинд дине агымнары тарафдарлары саны 200 мең кеше дип бәяләнгән.
2010 елда яһүдиләр җәмгыяте 400 дән 2400 гә кадәр кешедән торган.
2010 елда Буддизм вәкилләре 350 кеше булган.

Моны да карагыз: Кениядә ислам

Административ-территориаль бүленеш

Административ-территориаль яктан Кения 8 провинция һәм 71 округтан тора. Илдә 100дән артык шәһәр бар дип исәпләнә^[3]. Иң Эре шәһәрләр — Найроби (3,4 млн кеше), Момбаса (966 мең кеше), Накуру (284 мең кеше), Элдорет (269 мең кеше), Кисуму (236 мең кеше).