Таула

Торак пункт
Таула
54°13′28″ с. ш. 45°21′11″ в. д.
Ил	Россия
Район	Ләмбрә районы
Тарих һәм география
Сәгать кушагы	UTC+03:00
Халык саны
Халык саны	794 кеше
Милли состав	татарлар
Санлы идентификатор
Почта индекслары	431514
Башка мәгълүмат
Русча атамасы	Татарская Тавла
Таула на карте Таула

Таула (рус. Татарская Тавла) — Мордовиянең Ләмбрә районына керүче татар авылы.

Авылны 17 гасырда темников татарлары нигезли, дип исәпләнә, ләкин биредә электән дә татар авылы булган дип санарга нигез бар. Ирек Биккинин язганча, элек Таула елгасы буенда, Подлесная Таула дигән җирдә татарлар белән эрзә халкы яшәгәннәр. 1681-82 елларда чукындыручылар килгәч, татарлар 15 чакрымга урман эченә китеп, хәзерге Татар Тауласын нигезлиләр. 1710 елда морзалар йортларында 27 кеше яшәгән, татарлар — 434 кеше.

Авылда 1869 елга 87 йорт булган.

2008 елда даими яшәүчеләр 779 кеше булганнар. Ир-атлар 458, хатын-кызлар 321; балалар 165, пенсионерлар 266 (Ямбушева, С.).

Авылның төп проблемасы — аның шәһәргә якын булуы. Авыл хуҗалыгы җирләренең күбесен Мордовия башлыгы Н. Меркушкин кешеләре кулларына төшергәннәр. Алар арендага алган совхоз фермаларында һәм кырларда читтән килгән кешеләр эшли. Оешмаларда 38 кеше, авыл хуҗалыгы предприятиесендә 10 кеше эшли. Калган 400нең күбесе Саранскига эшкә йөри, яки эшсез.

Мәгариф

Таула мәктәбе 1970 елдан 8-еллык була. Укырга теләгән яшьләр күрше Аксюнга йөреп аттестат алган. 1996 елдан - тулы урта мәктәп. 2009 елда 69 бала укыган. Авыл уңайлы урында урнашкан булса да (зур юлга 2-3 км, кала якында гына, Азюрка да шул хәлдә), эш урыннары юклыктан, яшьләр авылда калмый.

Танылган шәхесләр

• Касыйм Хәлилов, Ренат Биккинин — билгеле көрәшчеләр.
• Ирек Биккинин — беренче татар интернет-журналисты, «Татар газетасы» мөхәррире.

Чыганаклар

• Топонимический список татарских населенных пунктов Мордовии(үле сылтама)