Кирлегәч

Кирлегәч - Татарстан Республикасының Лениногорск районында урнашкан авыл, Кирлегәч авыл җирлегенең административ үзәге. Күпчелек халкы татарлар, бераз руслар, алманнар, үзбәкләр бар.

Авылга 1745 елда нигез салынган. Хәзерге көнгә шушы авылда 525 кеше яши. Лениногорск шәһәреннән 60 чакрымда, ә Әлмәт шәһәреннән 40 чакрымда урнашкан.

Авылда 6 урам бар: Кустар, Тукай, Совет, Ленин, Амур һәм Елга арты урамнары.

Авыл казылма байлыкларга бай: кызыл балчык, ком, таш, акшар һ.б.

Авылда тулы булмаган урта мәктәп, китапханә, мәчет, мәдәният йорты эшли.

Шәхесләр

Фатыйх Ибраһимов (1916-1995), журналист һәм педагог.
Фатыйма Ибраһимова (1928), әдәбият белгече.
Габбәс Мөхәммәтшин (1935-2019), ТР мәдәният министры урынбасары (1989-1997), ТАССР атказанган төзүчесе.