Рәсүл Хәмзәтов

Рәсүл Хәмзәтов
авар. ХIамзатил Расул
Файл:Расул Гамзатов.jpg
Тулы исеме	Расул XIамзатов
Туган көне	8 сентябрь 1923(1923-09-08) (103 яшь)
Туган җире	Дагстан
Вафат көне	3 ноябрь 2003(2003-11-03) (80 яшь)
Вафат булган җире	Мәскәү, Россия
Белеме	А. М. Горький ис. Әдәбият институты (1950)
Ватандашлык	СССР  Россия
Эшчәнлеге	шагыйрь, язучы, публицист
Бүләк һәм премияләре
Милләт	авар

Рәсүл Хәмзәт улы Хәмзәтов (авар. Расул XIамзатов; 1923 елның 8 сентябре — 2003 елның 3 ноябре) — мәшһүр авар шагыйре, язучы, публицист, сәясәт эшлеклесе. Дагстан АССР халык шагыйре. Сталин (1952) һәм Ленин (1963) премияләре лауреаты. 1944 елдан ВКП(б) әгъзасы.

Тәрҗемәи хәле

Рәсүл Хәмзәтов 1923 елның 8 сентябрендә Дагстан Республикасының Хунзах районына керүче Цада авылында халык шагыйре Гамзат Цадаса (1877-1951) гаиләсендә дөньяга килә. 1939 елда Авар педучилищесын тәмамлый. 1941 елга кадәр авылда укытучы булып эшли, аннары — театрда режиссер ярдәмчесе буларак, газеталарда һәм радиода журналист буларак хезмәт күрсәтә. 1945 елдан 1950 елга кадәр Мәскәүдә А.М.Горький исемендәге Әдәбият институтында укый.

2003 елның 3 ноябрендә Мәскәүдә Үзәк клиник шифаханәдә вафат була. Махачкалада иске мөселман зиратында, Тарки-Тау тавы итәгендә, хатыны Патимат кабере янында җирләнгән.

Иҗат

Беренче шигырьләрен 1932 елда иҗат итә, 1937 елда басыла башлый. Авар телендә беренче китабы 93 елда чыга. Авар теленә классик һәм заманча әдәбиятны тәрҗемә итә, шулар арасында Пушкин, Лермонтов, Маяковский һәм Есенин.

Расул Гамзатовның күп шигырьләренә җырлар язылган.

Гаилә

Хатыны Патимат (2000 елда вафат), өч кызы һәм дүрт кыз оныгы.

Атасы 1951 елда вафат, анасы — 1965тә.

Ике олы абыйсы Бөек Ватан сугышында һәлак була.

Кече энесе Гаджи Хәмзәт улы Хәмзәтов — Россия фәннәр академиясе академигы.